Пĕтĕм
тĕнчери поэзи кунне халалласа Патӑрьел округĕнчи Пӑлапуҫ Пашьел вӑтам шкулĕн 5-
мĕш класĕнче "Поэзи асамĕ" литература сехечĕ иртрĕ. Ӑна ҫак шкулта
чӑваш чĕлхипе литератури вĕрентекен Светлана Никитина ертсе пычĕ. Ачасем
малтанах " поэзи" сӑмахӑн пĕлтерĕшне ӑнланма тӑрӑшрĕҫ. Вырӑс, чӑваш
поэчĕсене, вĕсен хайлавĕсене аса илчĕҫ. Ҫеҫпĕл Мишши, К.Иванов, П.Хусанкай,
Г.Айхи сӑввисене вуларĕҫ. Патӑрьел тӑрӑхĕнче ҫуралнӑ поэтсен кун- ҫулĕпе, ĕҫĕ-
хĕлĕ те кӑсӑкланчĕҫ пиллĕкмĕшсем. Сӑвӑ ҫыраканӑн ĕҫĕ хисеплĕ те йывӑр, кӑсӑклӑ
пулни ҫинчен те пычĕ калаҫу. Литература сехечĕ Митта Ваҫлейĕн "Виҫĕ
хӑват" сӑввине вуланипе вĕҫленчĕ.